Posts filed under ‘ஹைக்கூ’
வெயிலில் பெய்த மழை!
காக்கைக்கும் நரிக்கும்
கல்யாணம்!
சிறுவயது நினைவை
சீண்டி சொல்கிறது
வெயிலோடு பெய்த
மழை!
காந்தி ஜெயந்தி கொண்டாட்டமாம் !
விவரம் தெரியா வயதில்
வெட்ட வெயிலில்
மொட்டையடிக்கப்பட்டு
ஊர்வலமாய் குழந்தைகள்
காந்தி ஜெயந்தி கொண்டாட்டம்!
கற்பகிரகத்தில் செருப்பு!
புதிதாய் வாங்கி
கோயில் வாயிலில்
கழற்றிவிட்ட செருப்பு
பற்றிய சிந்தை
கற்பகிரகத்தில் பக்தன்!
தெருவோர பொது சுவர்!
எப்போதேனும்
பல் துலக்கி
இருக்கிறது!
கட்சியின் பெயரில்
சில நாட்களில்
கறை படிகிறது!
