Posts tagged ‘ஆடு’

இரவு முழுதும் உனது நினைவு!

என் ஏனைய

இரவுகள்

உன்னுடன்தான்

கழிகின்றன!

முத்தமிடுவதில்

மட்டும்

மிச்சம் வைப்பதே

இல்லை நீ!

என் செவியருகில்

வந்து

சின்ன சின்ன

ரகசியங்களை

சொல்லி வைக்கிறாய்

எனக்கு

தெரியாத மொழியில்!

உன்னை தட்டி

கொடுப்பதில்

ஏதோ

தனிப்பிரியம்

வருகிறது எனக்கு!

இப்போதெல்லாம்

கனவுகள் வருவதில்லை

சதா இரவு முழுதும்

உன்

நினைவுகள்தான்!

ஒவ்வொரு இரவும்

உன் நினைவால்

செத்து செத்து

பிழைக்கிறேன்!

எனது தூங்கா

இரவுகள் எல்லாம்

உன் பெயரையே

சொல்லி தொலைக்கின்றன

சனியன் பிடித்த கொசுவே!

 

ஜூலை 23, 2011 at 10:44 முப 5 பின்னூட்டங்கள்

சாராயம்,பீடி வைத்து சாமி கும்பிடுகிறாள்!

  • ஆடு வெட்டி,கோழி வெட்டி

பன்றியோடு

முப்பூசையிட்டு

சாராயம்,பீடி வைத்து

சாமி கும்பிடுகிறாள்

குலதெய்வம் கோவிலில்!

  • சாமி

என் புருசனோட

குடிபழக்கத்த

மறக்க செஞ்சிடுன்னு!!

மே 31, 2011 at 10:45 முப 6 பின்னூட்டங்கள்

கண்டம் போய் கண்டம் வந்தது!

  • வெட்டி வீழ்த்தப்பட்ட

ஆட்டின் தலையில்

ஒட்டி துடிக்கிறது

உயிரின் சொச்சம்!

  • உங்க உயிருக்கு

கண்டம் உள்ளது..

குலதெய்வம் கோவிலுக்கு

போங்க-

சாமியாடி சொன்னதில்

கண்டம் வந்தது

ஆட்டுக்கெடாவுக்கு!

மே 14, 2011 at 11:36 முப 2 பின்னூட்டங்கள்

எழுத்தாட்டம்!

பொங்கல் என்ற உடனேயே தித்திக்கும் செங்கரும்பைக் காட்டிலும்,தீஞ்சுவை பொங்கலைக் காட்டிலும் என் நெஞ்சில் நீக்கமற நிறைந்து நிற்பது என் ஊரில் காட்டப்படும் எழுத்தாட்டம் தான் .ஏனோ அது என்னில் உண்டாக்கும் லயிப்பு அப்படி.சீறும் காளைகளற்ற ஏழை ஊரது.அதனாலோ என்னவோ என் ஊர் பக்கங்களில் ஜல்லிக்கட்டு சாத்தியப்படாமல் போயிருந்தது.ஜல்லிகட்டுகாக கொம்பு சீவி வளர்க்கப்படும் பணக்கார வீட்டு காளைகள் எங்கள் ஊரில் இல்லை.ஏருழும் எருதுகளே எங்களுக்கு கரிநாளன்று(மாட்டுப் பொங்கலுக்கு மறுநாள்) களிப்புக் காட்டும் காளையாகிப் போகும்.பால் மாடுகளையும் எங்களவர்கள் விட்டு வைப்பதில்லை.வண்ணம் பூசப் பட்ட மாடுகள் வரிசையாக வந்து நிற்கும்.கொம்பில் கட்சி சாயம் பூசப்பட்ட மாடுகள் அன்று ,ஒரு ஊரில், எந்தக் கட்சிக்கு எவ்வளவு ஆதரவு என்பதை அறிவித்துவிடும்.ஒவ்வொரு மாடாக , கயிறு வடத்தால் இரு பக்கமும் பூட்டப்பட்டு, கிட்டத்தட்ட 30 ,40 நபர்களால் இரு பக்க கயிறும் இழுத்துப் பிடிக்கப்பட்டு ,ஒரு வித்தியாசமான குச்சில் கட்டப் பட்ட பொம்மைக் கொண்டு மாடு முன் பக்கம் வைத்து மிரட்டி,வெகுண்டெழுந்த ஏர் எருதுகள் இழுத்துக் கொண்டு ஓடும்போது,விரட்டியபடி கயிர் பிடித்த மக்களும் ஓடுவார்கள்.ஜல்லிக்கட்டு இல்லாத எம் ஊரின் எளிமையான ஜல்லிக்கட்டு அது.இந்த முறை ஊருக்கு போன போதும் நான் பார்த்து மகிழ்ந்தது,என் சிறு வயது பரவசங்களை என்னுள் பாதுகாத்து வைத்திருந்தது.அங்கும் ஏர் உழ இப்போ டிராக்ட்டார் வந்து விட்டதால் மாடுகளின் எண்ணிக்கை கணிசமாய் குறைந்திருந்தது.நவீன இயந்திர வளர்ச்சியால்,போக போக இந்த நிகழ்வு இல்லாமல் போகவும் வாய்ப்பிருக்கிறது.ஆமாம் அது என்ன எழுத்தாட்டம் என்று எமக்கு ஏனைய நாள் சந்தேகம் உண்டு..எருதாட்டம் என்பதுதான் மருவி எழுத்தாட்டமானதோ நான் அறியவில்லை!

எது எப்படியோ..மது வாசனை நிரம்பியக் கூட்டம்,மாதுகளின் தாவணி அணிவகுப்பு,விடலைகளின் விளையாட்டுகள் என என்னுள் எஞ்சி இருக்கின்றன ஏனைய நினைவாட்டங்கள் என் ஊர் எழுத்தாட்டங்களில்!

ஜனவரி 22, 2011 at 5:42 பிப 2 பின்னூட்டங்கள்

குடி கெடுத்தவன்!

  • ஓர் குடும்பம்

வாழ்ந்திடவே

ஓராயிரம் குடி

கெடுத்தாய்

ஆறறிவாளனே !

  • வீடு கட்டுதற்காய்

வெட்டிய மரக்கிளையில்

ஒட்டிக்கொண்டு

உயிர்வாழ்ந்த

உயிரினங்களின் புலம்பல்.

நவம்பர் 4, 2010 at 10:30 முப 8 பின்னூட்டங்கள்

Older Posts




இத்தளத்தின் இடுகைகளை பெற உங்கள் மின்னஞ்சல் முகவரியினை பதிவிடவும்

Join 155 other followers

ஆக்கங்கள்

அண்மைய பதிவுகள்

விளம்பரம்

அனைத்து தகவல்களும் முறையாக Creative Common 2.5 - ஆல் காப்பிரைட் செய்யப்பட்டு வெளிவருகிறது.
Creative Commons License
my page by ennangalum,vannagalum is licensed under a Creative Commons Attribution-Noncommercial-No Derivative Works 2.5 India License.
Based on a work at padaipali.wordpress.com.
Permissions beyond the scope of this license may be available at https://padaipali.wordpress.com/.

Share this blog

Bookmark and Share

விருந்தினர்கள்

Thiratti.com Tamil Blog Aggregator

Blog Stats

  • 200,117 hits

%d bloggers like this: