Posts tagged ‘உணர்வு’

நான்கு சுவற்றுக்குள் நடக்கிறது போர்!

 

மலரை சுவைக்க வரும்

வண்டுபோல என் வருகை ஏனோ

சாதுவாயிருக்கிறது!

பின் பூனையிடம் மாட்டிய

எலிபோல விளையாட்டு

வேகமெடுக்கிறது!

புலியென மாறி பாய்ந்து

வெறிகொண்டு மானை சிராய்த்து

கடித்து வைக்கிறேன்

கொஞ்சம் மூர்க்கமாய்!

யானை பலமும்,குதிரை வேகமும் கொண்டு

உன்னை தாக்கி மகிழ்கிறேன்

கொடூரத்தின் உச்சமாய்!

நீ தாக்குதலை எதிர்கொண்டு

தயங்காமல் நிற்கிறாய்

நிராயுதபாணியாய் நின்றபடி

இன்னும் தாக்க சொல்கிறாய்!

சாது போல இருந்தவள் என்னை

மோத சொல்லி கேட்கிறாய்!

தாக்குதலை தொடுத்து விட்டு

குருதிவடிய நான் குப்புற விழுகிறேன்

பூவென இருந்து கொண்டு

நீ புலியை சாய்த்து  வெல்கிறாய்!

என்ன மாயம் செய்தாயோ

நான்கு சுவற்றுக்குள்

நடக்கும் போரில்!

ஒக்ரோபர் 18, 2011 at 10:39 முப 1 மறுமொழி

கொடுத்து வைத்தவன்!

ஒய்யாரமாய் உன்னருகில்

உட்காரும்

ஒவ்வொரும் நிமிடங்களிலும்

உணர்கிறேன்

உலகத்தில் என்னை விட

கொடுத்து வைத்தவன்

எவனுமில்லை!

என்னை நீ  காதலிப்பதால்

காதலுக்கு மட்டும்

கொடுத்து வைத்திருக்கிறது!

ஒக்ரோபர் 14, 2011 at 11:46 முப பின்னூட்டமொன்றை இடுக

ஜனங்களின் உணர்வறியா ஜனநாயகம்!

அணு உலை வேண்டாமென்று

ஆதங்கப்படுவோர் ஆயிரமாயிரம் பேர்

அடுத்த தலைமுறை உயிர் காக்க

வேட்கை கொண்டோர் லட்சம் பேர்

சில கோடி செலவுகளுக்காய்

பல கோடி மக்களின்

உயிர் பறித்திட வேண்டாமென

மன்றாடுவோறாய்,மனிதாபிமானிகளாய்

மக்களாய்,உணர்வாளர்களாய்

உண்மை அறிந்தோராய்

உண்ணாவிரதம்,போராட்டம் என

ஊனுடல் தந்து உரிமைக்கேட்போராய்

கோடி பேர்!

பாதுகாக்கப்பட்ட அணுஉலை என்று

ஒற்றை வார்த்தை சொல்லி

தன்னை பாதுகாத்துக் கொள்கிறது

கோடிமனங்களின் குணம் அறியா

ஓர் கொடிய அரசு!

ஜனங்களின் உணர்வறியா

இந்நாட்டை ஜனநாயக நாடு என்பார்

கொடுமையிலும் கொடுமை..!

ஒக்ரோபர் 8, 2011 at 10:48 முப பின்னூட்டமொன்றை இடுக

நல்லக்காதல் !

  • இளைப்பாற கொஞ்சம்

இடமும்

களிப்பார கொஞ்சம்

கருணையும்

உன் மடியிலும்

அடியிலுமாய்

என்னை கிடத்தி இருக்கின்றன!

  • காமத்தையும்,காதலையும்

தாண்டி

கண்டறிகிறேன்

உன்னிடத்தில்

ஏதோ ஓர் காரணி

என்னை கட்டுண்டு வைத்திருக்க!

  • செல்லத் தீண்டலிலும்

உன் செவிமடல் கடிப்பினிலும்

என்னை சிறையிட்டு வைப்பதிலும்

காதலிக்கும் ,மனைவிக்குமான

காலக்கனவை

நீயிட்டு நிரப்புகிறது

உன் நினைவும்,புணர்வும்!

  • பாரிய பாசமும்

தேறிய நேசமுமாய்

விசாலமடைகிறது

ஊருக்கு தெரியா

நம் உறவின் நீட்சி!

செப்ரெம்பர் 30, 2011 at 10:32 முப 2 பின்னூட்டங்கள்

இருட்டு இனிமை தருகிறது!

பகலை விடவும்

இருட்டு எமக்கு

இனிமை தருகிறது

நாமிருவரையும்

இறுக,இறுக்க

இணைத்து வைப்பதினால்!

ஓகஸ்ட் 6, 2011 at 10:41 முப 1 மறுமொழி

Older Posts




இத்தளத்தின் இடுகைகளை பெற உங்கள் மின்னஞ்சல் முகவரியினை பதிவிடவும்

Join 155 other followers

ஆக்கங்கள்

அண்மைய பதிவுகள்

விளம்பரம்

அனைத்து தகவல்களும் முறையாக Creative Common 2.5 - ஆல் காப்பிரைட் செய்யப்பட்டு வெளிவருகிறது.
Creative Commons License
my page by ennangalum,vannagalum is licensed under a Creative Commons Attribution-Noncommercial-No Derivative Works 2.5 India License.
Based on a work at padaipali.wordpress.com.
Permissions beyond the scope of this license may be available at https://padaipali.wordpress.com/.

Share this blog

Bookmark and Share

விருந்தினர்கள்

Thiratti.com Tamil Blog Aggregator

Blog Stats

  • 200,211 hits

%d bloggers like this: