Posts tagged ‘பெண்’

முதிர்கன்னி ஆனவளுக்கு!

  • வாசல் தேடி வந்து

பொண்ணு கறுப்பென்றான்

ஒருவன்

கலையில்லை யென்றான்

மற்றொருவன்

ஒல்லி என்றான்

இன்னொருவன்.

இவளுக்கு பிடித்திருக்கிறது

வந்தவர்கள் ஆயிரம் பேர்!

  • வாசல்தேடி வந்தவனை

வசதியில்லை என்கிறாள்

உயரமாய் இருந்தால்

பரவாயில்லை என்கிறாள்

வெளிநாட்டு மாப்பிள்ளை

வேண்டுகிறேன் என்கிறாள்.

இவளின் புறக்கணிப்பில்

சென்றவர்கள் ஆயிரம் பேர்!

  • காலம் செல்கிறது

கட்டளை தளர்கிறது.

வெளிநாட்டு மாப்பிள்ளை

வேண்டாமென்கிறாள்.

உயரம் குறைந்தாலும்

பரவாயில்லை என்கிறாள்.

வசதி இல்லாவிடினும்

வாழ்வித்தால் போதுமென்கிறாள்.

வரன்

தேடுகிறார்கள்.

வருகிறது

வரன்

இரண்டாம் தாரமாய்

முதிர்கன்னி ஆனவளுக்கு!

ஜனவரி 11, 2011 at 8:38 முப 18 பின்னூட்டங்கள்

பௌர்ணமி வெளிச்சத்தில் அமாவாசை இருட்டு …

சாரல் தெளித்த

சாலையொன்றில்

சாயங்கால நேரம்.

மழைவந்து நனைக்க

மருங்கி மதில் மீதில்

சாய்ந்து நின்றேன்.

வாடா மலரொன்றின்

வயதொத்த ஒருத்தி

சரீரம் நனைந்தும்

வாடியவளாய் இருந்தாள்.

நிலவான அவள் முகத்தில்

பொலிவில்லை.

பௌர்ணமி வெளிச்சத்தில்

அமாவாசை இருட்டு.

செக்க சிவந்ததொன்று

சிவந்தவளின் முகத்திலில்லை.

நிறங்கள் நீர்த்தவளாய்

வெறுமையை போர்த்தியிருந்தாள்.

அவள் அருகிலமர்ந்து

கேட்டேன்

ஆனாலும் உனை சுற்றி

ஆயிரம் ஆடவர் கண்.

என்னடி வைத்திருக்கிறாய்

உன்னிடத்தில்

மட்டுமென்றேன்.

சற்றே சிரித்தும்

கொஞ்சம்

முறைத்தவள் சொன்னாள்.

அறியாமலா என்னிடத்தில்

தைரியம் கொண்டு

அருகமர்ந்து பேசுகிறாய்.

ஆயிரம் ஆடவர் கண்களில்

உமதொன்றும்

உள்ளதடா!

இறந்திட்டான் என் கணவன்

எமை இத்தனைக் கண் நோக்குதடா!

ஜனவரி 9, 2011 at 10:25 முப 13 பின்னூட்டங்கள்

அழகில் மயங்கிய ஆண் வர்க்கம் !

இரவில் நம்

கூடலின் நேரங்களை

குறைப்பதற்காகவே

கூவி

பொழுதை எழுப்புகிறது

போலும்

பொறாமை கொண்ட

சேவல்!

இராதா பின்னே

அதுவும் உன் அழகில்

மயங்கிய

ஆண் வர்க்கம் தானே!

திசெம்பர் 8, 2010 at 11:40 முப 12 பின்னூட்டங்கள்

மழை கண்ணீர்!

  • குடையற்ற தருணங்களில்

குதூகலமாய்

உன்னை ஆரத்தழுவி

அணைக்கிறது

மழைநீர்!

  • நீ குடை பிடிக்கையில்

கோபித்துக் கொட்டுகிறது

குடையில்

மழை கண்ணீர்!

திசெம்பர் 2, 2010 at 10:36 முப 12 பின்னூட்டங்கள்

பருவம் கண்ட பைங்கிளி பாட்டியா?

பின்னிரவில்

ஓர்நாள்

விழித்து

முகம்காட்டிய

பென்னிலவைப்

பார்த்தேன்.

அவள் முகம்

வெளிறி

சுருங்கிய நிலையில்

இருந்தது.

மேகங்கள் நகராமல்

வழிமறித்து நிற்க

அவள் நடையிலும்

தளர்ச்சி.

ஏனடிப் பெண்ணே!

உன்னிடத்தில்

இத்தனை

மாற்றமென்றேன்.

பின்னே

பருவம் வந்த

பைங்கிளியை

நீரெல்லாம்

பாட்டி வடை சுடுவதாகத்தானே

சொல்கிறீர்..

என வருத்தம் கொண்டு

வடிவிழந்து

மறைந்தாள்

காலையில் நிலவு.

ஒக்ரோபர் 26, 2010 at 10:36 முப 8 பின்னூட்டங்கள்

Older Posts Newer Posts




இத்தளத்தின் இடுகைகளை பெற உங்கள் மின்னஞ்சல் முகவரியினை பதிவிடவும்

Join 155 other followers

ஆக்கங்கள்

அண்மைய பதிவுகள்

விளம்பரம்

அனைத்து தகவல்களும் முறையாக Creative Common 2.5 - ஆல் காப்பிரைட் செய்யப்பட்டு வெளிவருகிறது.
Creative Commons License
my page by ennangalum,vannagalum is licensed under a Creative Commons Attribution-Noncommercial-No Derivative Works 2.5 India License.
Based on a work at padaipali.wordpress.com.
Permissions beyond the scope of this license may be available at https://padaipali.wordpress.com/.

Share this blog

Bookmark and Share

விருந்தினர்கள்

Thiratti.com Tamil Blog Aggregator

Blog Stats

  • 200,211 hits

%d bloggers like this: