Posts tagged ‘உறவு’
நல்லக்காதல் !
- இளைப்பாற கொஞ்சம்
இடமும்
களிப்பார கொஞ்சம்
கருணையும்
உன் மடியிலும்
அடியிலுமாய்
என்னை கிடத்தி இருக்கின்றன!
- காமத்தையும்,காதலையும்
தாண்டி
கண்டறிகிறேன்
உன்னிடத்தில்
ஏதோ ஓர் காரணி
என்னை கட்டுண்டு வைத்திருக்க!
- செல்லத் தீண்டலிலும்
உன் செவிமடல் கடிப்பினிலும்
என்னை சிறையிட்டு வைப்பதிலும்
காதலிக்கும் ,மனைவிக்குமான
காலக்கனவை
நீயிட்டு நிரப்புகிறது
உன் நினைவும்,புணர்வும்!
- பாரிய பாசமும்
தேறிய நேசமுமாய்
விசாலமடைகிறது
ஊருக்கு தெரியா
நம் உறவின் நீட்சி!
இருட்டு இனிமை தருகிறது!
பகலை விடவும்
இருட்டு எமக்கு
இனிமை தருகிறது
நாமிருவரையும்
இறுக,இறுக்க
இணைத்து வைப்பதினால்!
இரவு முழுதும் உனது நினைவு!
என் ஏனைய
இரவுகள்
உன்னுடன்தான்
கழிகின்றன!
முத்தமிடுவதில்
மட்டும்
மிச்சம் வைப்பதே
இல்லை நீ!
என் செவியருகில்
வந்து
சின்ன சின்ன
ரகசியங்களை
சொல்லி வைக்கிறாய்
எனக்கு
தெரியாத மொழியில்!
உன்னை தட்டி
கொடுப்பதில்
ஏதோ
தனிப்பிரியம்
வருகிறது எனக்கு!
இப்போதெல்லாம்
கனவுகள் வருவதில்லை
சதா இரவு முழுதும்
உன்
நினைவுகள்தான்!
ஒவ்வொரு இரவும்
உன் நினைவால்
செத்து செத்து
பிழைக்கிறேன்!
எனது தூங்கா
இரவுகள் எல்லாம்
உன் பெயரையே
சொல்லி தொலைக்கின்றன
சனியன் பிடித்த கொசுவே!
உறுதி செய்கிறேன்..உண்மை நட்பென்று!
- சமூக வலைப்பின்னல்களில்
நட்பு பூண்டு
பேசும் போதெல்லாம்
தன்னிடத்தில் மட்டும்
பேசுங்கள்
என்று தன்னகத்தே
உரிமை எடுத்துக் கொள்கிறது
ஒரு சில நட்புகள்!
- அது ஒவ்வாமை
என்றெண்ணி
நான் ஒதுங்கிடும் வேளை
பாசம் மேலிட
உரிமையின் உச்சத்தில்
என்னை block செய்து
தன்னை
உறுதிசெய்து கொள்கிறது
உண்மை நட்பென்று!
கொலையும் செய்வாள் தாய்!
- தம் உயிரைக்
கொடுத்தேனும்
பருந்திடம் இருந்து
தம் குஞ்சுகளை
காப்பாற்ற
பதறித் துடிக்கிறது
தாய்க்கோழி!
- கோழிக் குஞ்சின்
உயிர் பறித்து
பசியால் வாடும்
தம் குஞ்சுகளுக்கு
பசியாற்ற
பாய்ந்து தாக்குகிறது
பருந்து!