காதலி காவியம்…

காதலித்த போது அவளிடம்
-கவிதை கேட்டேன்…

உன்னை போல்..எனக்கு,கவிதை எழுத தெரியாது.
தெரிந்து கொள்ள விருப்பமும் இல்லை.
இருந்தாலும் உனக்காக .. ஓர் ஒற்றைச்சொல் கவிதை
உன் பெயர் என்றாள்.

இடைமறித்து சொன்னேன்…
அது என் அப்பன் அருளியதென்று….

காத்திரு கண்ணா…
-என காதலி சொன்னாள்.
உனை கைப்பிடிக்கும் காலம் வரும்…
அப்போ -என் பெயரும் உன் பெயரும்
உறவாடி ஒன்று சேரும்….

அன்றோ …
என் பெயர் கவிதையல்ல…
காவியம் என்றாள்.