நாற்றமடிக்கிறதென்று !

• தூரத்தே நின்று

நாற்றமடிக்கிறதென்று

மூக்கைப் பிடிப்பவர்களே!

• எம் அருகில்

வருவதற்கு அசிங்கமுற்று

தூர நிற்பவர்களே!

• கழிவுநீர் அடைத்துக்கொண்டால்

ச்சீ..என்று காரி உமிழ மட்டுமே

எச்சில் சுறப்பவர்களே!

• ஏளனப் பார்வையால் எமை

குப்பைக்காரன் என்று கூறி

தூற்றி நிற்பவர்களே!

• ஆக்சிஜனை மட்டுமே

சுவாசித்து உயிர்வாழ

உங்கள் உலகம் பழகியிருக்கிறது!

• விஷவாயு

சுவாசித்தும் காலம் தள்ள

எம் இதயம் இளகியிருக்கிறது!

• சாக்கடையில் நாங்கள்

இறங்காவிட்டால்

இந்த சமுதாயம்

நாறிப்போகும் ஞாபகம் வையுங்கள்!